Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

آسمان کی طرف دیکھا اور بارش برس پڑی

ماہنامہ عبقری - اپریل 2021ء

اب قاضی صاحب نے خانقاہ کے ناظمین کو حکم دیا کہ راتوں رات بہت سارا حلوہ تیار کیا جائے اور ڈھاک کےدو تین سو پیالے منگوا کر حلوہ ان میں سجایا جائے کہ کتوں نے صبح آنا ہے۔ خانقاہ کے لوگ حیران و پریشان ساری رات حلوہ پکاتے رہے۔ صبح ہوئی تو یہ قصّہ سارے قصبے میں مشہور ہو چکا تھا کہ قاضی صاحب کتوں سے دعا کروانے والے ہیں۔ قصبے کے لوگ صبح سویرے ہی خانقاہ کے پاس جمع ہونا شروع ہو گئے - وہ سات افراد جو قاضی صاحب کوگزشتہ دن چیلنج کرکے گئے تھے وہ بھی آن موجود ہوئے - گرمی اپنے جوبن پر تھی‘ خدمت گزار گلیوں کی صفائی کے بعد ڈھاک کے حلوہ بھرے پیالے تھوڑے تھوڑے فاصلے پر رکھنا شروع ہو گئے ۔ وہ ابھی اس کام سے فارغ ہوئے ہی تھے کہ مجمع میں ایک سراسیمگی پھیل گئی کہ کوئی انہونی بات ہونے والی ہے - ہر بندہ اپنی جگہ دم بخود تھا۔ اچانک ایک گلی سے ایک کالے رنگ کا کتا نمودار ہوا۔ اس کے پیچھے بیس بائیس کتوں کی ایک لمبی قطار تھی۔ تمام کتے قطار بنا کر قاضی صاحب جو خانقاہ کے باہر بیٹھے ہوئے تھے ان کے پاس آکر چپ چاپ بیٹھ گئے۔ قاضی صاحب نے اپنا ہاتھ بلند کیا تا کہ مجمع کے لوگ کسی بھگدڑ کا مظاہرہ نہ کریں۔ کتوں کا لیڈر "کالا کتا" قاضی صاحب کے قدموں میں آ کر بیٹھ گیا‘ جیسے حکم کا غلام ہو۔ قاضی صاحب نے ہاتھ سے اشارہ کیا اور پھر با آواز بلند کہا "تمام کتے جائیں اور حلوہ کھائیں" کتوں نے فوراً حکم کی تعمیل کی اور تین تین کی ٹولیوں میں بٹ گئے اور بغیر کسی’’کتا پن‘‘ کا مظاہرہ کیے حلوہ کھانے میں مصروف ہوگئے - قصبے کے ہر شخص کے بشمول ان سات نوجوانوں کے حواس رخصت تھے- سب دم بخود تھے کہ پتا نہیں اب کیا ہوتا ہے‘ کتے جب تمام حلوہ چٹ کر گئے تو قاضی صاحب اپنی جگہ سے کھڑے ہوئے اور بلند آواز سے کہا کہ " اب کتے الله سے ابر رحمت کی دعا کریں" - کتوں نے آسمان کی طرف سر اٹھا کر عجیب و غریب انداز میں رونا شروع کردیا۔ ان کی اس عجیب و غریب غراہٹ سے وہاں پر موجود لوگوں کے دل بیٹھے جا رہے تھے ۔ تھوڑی دیر غرانے کے بعد کتے قطار بنا کر واپس اپنے اپنے ٹھکانوں کی طرف روانہ ہوگئے۔ اب قاضی عبدلحکیم نے دعا کے لئے ہاتھ بلند کردیے اور ساتھ ہی لوگوں نے بھی ہاتھ بلند کردیے اور گڑگڑا کر الله کے حضور گریہ کرنے لگے- تھوڑی دیر ہی گزری تھی کہ آسمان پر ایک گہری گھٹا چھا گئی اورپھرزبردست بارش شروع ہو گئی ۔

 

Ubqari Magazine Rated 3.5 / 5 based on 423 reviews.