محترم حضرت حکیم صاحب السلام علیکم! کچھ ٹوٹکے اور روحانی فیض عبقری قارئین کی نذر کرنا چاہتی ہوں۔گلا خراب کے لیے آزمودہ ٹوٹکہ:گلا خراب ہو جائے یا موسم بدلے اور گلے کی خرابی محسوس ہوتو فوراً پیاز کاٹ کر نمک ڈال کر تھوڑا سا کھالیں۔ گلا شدید خراب ہو تو پیاز کا رس نکال کر ایک چمچ پئیں اور پیاز کا گودا گلے پر باندھ دیں۔ تھوڑی سے بدبو تو آئے گی مگر آئندہ پورا سال ان شاء اللہ گلا نہ خراب ہوگا یہ ہمارے گھر کے تمام افراد کا آزمایا ہوا ٹوٹکہ ہے۔جملہ امراض کے لیے:اگر اندرونی اعضاء میں سوزش ہو مثلاً، گردہ، پتہ، معدہ، پیڑوں وغیرہ کی یا گیس اور گیس کا سینے پر چڑھ جانا اور سانس لینے میں دقت ہونا ان سب کیلئے اور آنکھوں کے گرد سوزش کی وجہ سے آنکھوں کے گرد حلقے پڑجانا تمام امراض کیلئے ایک کپ پانی میں سونف ایک چمچ، گلقند (گلاب کے پھولوں کی)ایک چمچ ابالیں اور اس کا قہوہ پئیں ان شاء اللہ ان امراض کی بہترین شفاء ملے گی یہ میری والدہ کا آزمودہ ٹوٹکہ ہے۔ آنکھوں کی الرجی کے لیے:الرجی سے آنکھوں سے پانی نکلتا ہوتو پیاز کا پانی اور شہد ہموزن ڈراپر سے آنکھوں میں ٹپکائیں الرجی سے نجات ملے گی۔ٹینشن کا روحانی علاج:آپ کے درس میں ٹینشن کا روحانی علاج تسبیح فاطمہ رضی اللہ عنہا پڑھنے کا طریقہ توجہ اور دھیان سے معنی پر غور کر کے اور ناخن کاٹ کراِنَّا لِلہِ وَاِنَّآ اِلَیْہِ رَاجِعُوْنَ 100 بار پڑھ کر دفنانا اور درد پاک کی تسبیح توجہ اور رسول علیہ الصلوٰۃ والسلام کے احسانات کا تصور کرکے پڑھیں۔ بڑی سے بڑی ٹینشن جس کا سالوں اور مہینوں سے علاج نہ ملے دل گھبرائے ، خیالات جان نہ چھوڑیں پریشان رکھیں ان سب کا آزمودہ اور مجرب علاج ہے۔ میں نے خود آزمایا اللہ پاک نے کلام پاک کی برکت سے ایسا سکون عطا فرمایا کہ ہر پل حکیم صاحب اور ان کے اہل و عیال کیلئے صرف دعائیں ہی نکلتی ہیں۔دل کی گھبراہٹ دور:قرب اور پریشانی اور دل کا ڈوبنا، دل کے اطمینان کیلئے ہر نماز کے بعد آٹھ باراَللہُ اَللہُ رَبِّی لَاأُشْرِکُ بِہِ شَیْئًاپڑھیں فوراً دل کی گھبراہٹ ٹھیک اور ذہن فریش ہو جائے گا ان شاء اللہ تعالیٰ۔امتحانات میں کبھی فیل نہیں ہوں گے:اچھے نمبروں سے پاس ہونے کے لیے امتحانات کے بعد صبح و شام ایک ایک تسبیح پڑھیں۔ یہ تسبیح میں نے عبقری میں ہی میں پڑھی تھی اور آزمایا بھی۔’’حَسْبُنَا اللہُ وَنِعْمَ الْوَکِیْلُ یَاوَارِثُ یَاوَکِیْلُ‘‘۔ کمرہ امتحان میں جانے سے پہلے سات بار سورئہ الانفال کی آیت نمبر62 ’’فَاِنَّ حَسْبَكَ اللّٰهُ هُوَ الَّذِیْٓ اَیَّدَكَ بِنَصْرِهٖ وَ بِالْمُؤْمِنِیْنَ‘‘ تک پڑھ کر داخل ہوں ان شاء اللہ کبھی فیل نہیں ہوں گے۔سردرد کے لیے:جن لوگوں کے سر میں کمزوری سے درد رہتا ہو دھوپ میں نکلتے یا سخت محنت سے یا کسی بھی وجہ سے درد رہتا ہو یا آدھے سر کار درد ہو دوائیاں کھا کھا کر تنگ آچکے ہوں ان کے لیے ایک ٹوٹکہ حاضر ہے۔ ہاتھ کی بنی ہوئی سوئیاں (جو صرف گھر میں روٹیاں پکانے والے آٹے سے تیار کی گئیں ہوں) دیسی گھی میں بناکر کھائیں۔ چند بار کے استعمال سےزندگی بھر دوباہ مسئلہ نہ ہوگا۔ ان شاء اللہ۔ میرے آدھے سر میں مسلسل درد رہتا تھا زیادہ دیر خالی پیٹ رہنا اور دھوپ میں نکلنا محال تھا ذرا سی ٹینشن سے سر پھٹنے کو آجاتا دوائیوں سے تنگ آگئی آخر کار یہ ٹوٹکہ کیا اور آبِ حیات ثابت ہوا۔ (طیبہ نصیر،جہلم)
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
