محترم حضرت حکیم صاحب السلام علیکم! عبقری کو پڑھتے صرف دو سال ہوئے ہیں‘ مگر ان دو سالوں میں ہمیں اس رسالہ کی بدولت بہت کچھ ملا ہے‘ ہمارے گھر عجب نحوست چھائی ہوئی تھی‘ ہر وقت بیماری‘ لڑائی جھگڑے‘نوک جھونک‘چڑچڑاپن‘ کاروبار ختم‘ تنگدستی کا عروج تھا۔ جس سے بھی پوچھا اس نے یہی کہا کہ سخت بندش ہے‘ اب توڑ کیلئے وہ پیسے مانگتے جو ہمارے پاس نہ ہوتے۔ ایک مرتبہ صبح صبح مزنگ چونگی لاہور سے گزر رہا تھا تو قرطبہ مسجد کے پاس شدید رش نظر آیا‘ گلی میں سے لوگوں کا جم غفیر خوش خوش باہرنکل رہا تھا‘ میں نے ایک راہگیر سے پوچھا کہ یہاں کیا ہے؟ انہوں نے مجھے تفصیل سے شیخ الوظائف کے متعلق بتایا‘ مجھے ایک عبقری رسالہ دیا اور بتایا کہ آج اسم اعظم کا روحانی دم ہے‘ یہ دم کروانے والے کی مشکلات اللہ تعالیٰ ختم فرمادیتے ہیں‘ بندشیں ٹوٹ جاتی ہیں‘ کاروباری زوال ختم ہوجاتےہیں‘ لاعلاج بیماریاں ختم ہوجاتی ہیں‘ میں نے اسی وقت موٹرسائیکل سٹینڈ پر لگائی اور زندگی میں پہلی مرتبہ اس شخص کے بتانے پر تسبیح خانہ میں داخل ہوا‘ ایک لائن میں لگا‘ چند لمحات کے بعد میں شیخ الوظائف کے سامنے تھا‘ اسم اعظم کا روحانی دم کروا کر جب باہر نکلا تو جیسے میرے جسم میں سے کوئی چیز نکل کر دوڑ گئی ہو‘ جسم بالکل ہلکا پھلکا ہوگا‘ پھر ہر ماہ اپنی فیملی کے ہمراہ دم کرواتا رہا آج میں خوشحال ہوں‘ گھر سے بیماری‘ نحوست‘ لڑائی جھگڑے سب ختم ہوگئے ہیں۔ (فیصل‘ کاہنہ نو)
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
