محترم حضرت حکیم صاحب السلام علیکم! عبقری رسالہ نے ہمارے گھر میں رونق لگا رکھی ہے‘ ہر کوئی اعمال پر لگ گیا ہے۔ مسنون دعائیں پڑھتے ہیں۔جس عورت کو استحاضہ کی بیماری ہو یا ماہواری کے دنوں میں حد سے زیادہ خون آتا ہو وہ مونگ کی دال چھلکے والی اور چاول اتنے لے لے جتنے کہ دو انگلیوں اور انگوٹھے کو ملا کر اٹھانے سے ہاتھ میں آئیں اتنی دال اور چاول توے پر بھون لیں زیادہ برائون نہیں کرنے بلکہ گرم توے پر ایک آدھ دفعہ کپڑے یا ہاتھ سے ہلالیں وہ ہلکی ہلکی اپنی خوشبو دیں گے پھر انہیں پیس لیں یا سل بٹہ پر کوٹ لیں۔ وہ سفوف پائوڈر سا تیار ہو جائے گا پھر دیسی گھی میں بنالیں تو زیادہ بہتر ہے دیسی گھی میں انڈہ پھینٹ کر پکالیں حسب ذائقہ چینی ڈالیں پھر اس انڈے پر جو سفوف بنا ہے وہ ڈال کر رات کو کھا کر سو جائیں اسکے بعد پانی نہ پئیں یعنی اسکے بعد کچھ نہیں کھانا پینا۔ دو تین دن کرنے سے انشاء اللہ آرام آئے گا۔(پوشیدہ‘ چکوال)