ملازمت حاصل کرنے کا عمل
اگر کوئی چاہتا ہے کہ اس کو اچھی جگہ ملازمت مل جائے اور باعزت روزی کا سامان پیدا ہو جائے تو اس کےلئے مندرجہ ذیل عمل بہت کارآمد اور مفید ہے۔ عمل یہ ہے: بعد نمازِ عشاءباوضو گیارہ بار درود شریف پڑھے اس کے بعد پانچ سو75 بار حَسْبُنَااللّٰہُ وَ نِعْمَ الْوَکِیْلُ پڑھے۔ آخر میں گیارہ بار درود شریف پڑھے اور پھر با عزت ملازمت کی دعا کیا کرے۔ انشاءاللہ تعالیٰ بہترین جگہ ملازمت مل جائے گی۔ درود شریف نماز والا پڑھیں۔ عزت کا مقام حاصل کرنے کے لیے عزت کا مقام حاصل کرنے کیلئے یہ عمل بہت مفید ہے اس عمل کی برکت سے دشمنوں کے شر سے بھی حفاظت رہتی ہے۔ باوضو بعد نمازِ عشاءاول تین بار درود شریف پڑھے اس کے بعد تین سو تیرہ بار یَاعَزِیْزُ پڑھے آخر میں تین بار درود شریف پڑھ کر دعا کرے۔ انشاءاللہ تعالیٰ معاشرتی زندگی میں عزت و عظمت کا مقام حاصل ہو گا۔ دشمن ناکام ہونگے۔
بہن بھائی‘ بھائی بھائی میں لڑائی
بعض بچے شرارتی ہوتے ہیں اور بہن بھائی یا بھائی بھائی ہر وقت لڑتے رہتے ہیں اور ان کا جھگڑا کسی صورت ختم ہونے میں نہیں آتا۔ اس کے لیے ایک سو بار باوضو یہ آیت پڑھ کر تکیہ پر دم کرلے اسی طرح ایک سو بار پڑھ کر دوسرے کے تکیہ پر دم کیا جائے اور وہ تکیے الگ الگ استعمال کریں یعنی ایک کا تکیہ دوسرا استعمال نہ کرے اس کی آسان شکل یہ ہے کہ دونوں کے تکیوں کے غلافوں کا رنگ الگ الگ ہوتا کہ پہچان رہے یا ان کے نام لکھدئیے جائیں۔ یہ عمل چالیس روز کیا جائے۔ انشاءاللہ تعالیٰ آپس کی لڑائی ختم ہوجائے گی۔گھر میں امن و سکون ہوجائے گا۔ دلوں سے نفرتیں ختم ہوجائیں گی۔ وہ آیت یہ ہے اِنَّھُمْ یَکِیْدُوْنَ کَیْدًا o وَّاَکِیْدُ کَیْدًا o(سورہ طارق)
تبادلہ کرانے کا عمل
اگر کوئی شخص کسی دوسری جگہ تبادلہ ہوکر چلا گیا ہے اور واپس اپنی پرانی جگہ آنا چاہتا ہے یا کوئی ایک شعبہ سے دوسرے شعبہ میں تبادلہ کرانا چاہتا ہے لیکن رکاوٹ ہورہی ہے تو اس کیلئے عشاءکی نماز کے بعد باضو اکتالیس مرتبہ آیة الکرسی پڑھا کرے۔ یہ عمل چالیس دن کرے اور عمل کے بعد دعا کرے۔ اگر درمیان میں ناغہ ہوجائے تو دوسرے دن دوگنا پڑھ لے یعنی بیاسی بار پڑھ لے۔ ناغہ نہ کرے تو بہتر ہے۔
پیشاب رک رک کر آنا
بعض مرتبہ پتھری کے سبب پیشاب رک رک کر قطرہ قطرہ آتا ہے۔ اس کے جاری کرنے کیلئے صبح بعد نماز فجر اور بعد نماز مغرب گیارہ بار یہ کلمات باوضو پڑھ کر اپنے پیٹ پر پھونک مارے۔ وہ کلمات یہ ہیں:۔ بِسْمِ اللّٰہِ الرَّحْمٰنِ الرَّحِیْمِ۔ اَلْمَلِکِ الْقُدُّوْسِ اَلرَّحْمٰنِ الرَّحِیْمِ۔