محترم حضرت حکیم صاحب السلام علیکم!میرا خط لکھنے کا مقصد عبقری کے تمام قارئین کو یہ بتانا ہے کہ آپ عبقری کی جو ادویات بھی استعمال کریں ان کویقین اور اللہ پر بھروسہ رکھتے ہوئے استعمال کریں تو الحمدللہ ! یہ ضرور شفاء یابی کا ذریعہ بنتی ہیں۔ اس کا ثبوت میں خود ہوں مجھ سے بڑا کوئی ثبوت نہیں ہوسکتا میں کافی عرصہ سے پوشیدہ امراض میں مبتلا تھی جس کیلئے ہومیو اور ایلوپیتھک ادویات جب سے امراض لاحق تھے تب سے استعمال کررہی تھی لیکن ان سے کوئی فائدہ نہیں ہورہا تھا الٹا نقصان کا سامنا کرنا پڑا جس سے چہرے پر بہت بری طرح کے دانے وغیرہ نکل آئے اور میرا چہرہ خراب ہوگیا۔ مجھے کسی نے عبقری رسالہ لاکر دیا تو میں نے اس میں موجود عبقری ادویات کی شفاء یابی کے بارے میں پڑھا اور آپ سے اجازت لئے بغیر ’’عبقری افزاء ، آنکھ شفاء ہارمونز شفاء اور مرہم سکون ‘‘ استعمال کیں جس کے چند ماہ کے استعمال سے الحمدللہ! میرے عرصہ دراز سے پوشیدہ امراض اورچہرے کے دانے وغیرہ بالکل ختم ہوگئے ہیں اور مجھے دوبارہ وہ مسئلہ نہیں ہوا جس کی وجہ سے آئے روز میں نڈھال اور پریشان رہتی تھی۔اب تو میں عبقری رسالہ اور دواخانہ کا جیتا جاگتا چلتا پھرتااشتہار بن گئی ہوں‘ جو بھی ملتی ہے اسے عبقری کے متعلق ضرور بتاتی ہوں‘ حسب توفیق محلے میں عبقری رسالے بھی تقسیم کرتی ہوں جس کا فائدہ یہ ہوا کہ گھروں میں خواتین اعمال پر آرہی ہیں‘ مجھے خود کئی خواتین نے بتایا کہ آپ نے جو ہمیں عبقری رسالہ دیا تھا اس میں سے ہم نے وظیفہ پڑھا ہمارا مسئلہ حل ہوگیا اس وقت ایک عجب خوشی ہوتی ہے کہ اللہ نے اس کی پریشانی دور کردی اور ذریعہ میرا بھیجا ہوا عبقری بنا‘ یقیناً میرے مسائل بھی حل ہوتے ہیں۔اب تو محلے کا تقریباً ہر گھر عبقری پڑھتا ہے اور خود لے کر پڑھتا ہے۔ (ایک بہن)