یہ واقعہ مجھے آفس بوائے نے کچھ یوں سنایا:۔ اس کے بھائی کے گھر بچہ ہونے والا تھا اور جب اس کی بھابی کو ہسپتال لے جایا گیا تو ڈاکٹروں نے بتایا کہ ڈلیوری کے وقت یا تو ہم بچہ کو بچاسکتے ہیں یا اس خاتون کو! پھر اللہ کا کرنا کچھ یوں ہوا کہ میں نے اس آفس بوائے کو اس واقعہ سے دو دن پہلے یہ عمل ہروقت پڑھنے کیلئے بتایا۔ اس نے مجھے کہا تھا کہ بہت زیادہ پریشانی ہے‘ اس نے فوراً ہی اس پر عمل کرنا شروع کردیا اور ڈلیوری والے دن وہ اپنے دل میں صلی اللہ علی محمد کا ورد کرتارہا۔ اس خوبصورت درود پاک کی برکت سے اللہ تعالیٰ نے بہت کرم فرمایا اور اس کے بھائی کے ہاں خوبصورت سی بیٹی یعنی رحمت آئی اور ماں اور بچی دونوں اللہ کےفضل سے خیریت سےہیں۔ یہ سب اس وظیفے کی بدولت ممکن ہوا۔ حالانکہ ڈاکٹر اپنی طرف سے جواب دے چکے تھے۔ (فرحت‘ لاہور)