Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

رزق کمانے میں احتیاط کیجئے آپ کی ایک مراد پوری ہوگی اللہ والوں کا روحانی فیض ایک عورت نے یرغمال بنالیا سخت پریشان کن حالات آنے کا اندیشہ

ماہنامہ عبقری - جون 2020

خدارا رزق کمانے میں احتیاط کیجئے
خواب میں دیکھا کہ چھت پر کھڑا ہوں تو آسمان پر گہرے سیاہ بادل چھانے لگے اور پھر میرے چاروں طرف سیمنٹ اور ریت سے بنے پتھر بارش کی طرح برسنے لگے اور ریت برسنے لگی، پھر خوف سے آنکھ کھل گئی۔(م۔ا، لاہور)
تعبیر:آپ کے خواب کے مطابق اس بات کا اشارہ ہے کہ رزق کے کمانے میں احتیاط سے کام لیں اور رزق حلال کی طلب کیا کریں، ورنہ اس بات کا اندیشہ ہے کہ کوئی آفت نازل نہ ہو جائے۔ واللہ علم۔
آپ کی ایک مراد پوری ہوگی
میں نے دیکھا کہ ہمارا ایک زمین کا ٹکڑا ہے، ایسا لگتا ہے جیسے ہم نے خریدا ہو، وہاں ہمارے تمام قریبی رشتہ دار جمع ہیں، میں نے اپنی بیوہ چچی کی والدہ کو کندھوں پر اٹھایا ہوا ہے۔ ہم زمین کے ٹکڑے پر ہیں جو ہم نے خریدی ہے اور میں جس طرف جاتا ہوں ہر طرف پھل ہی پھل ہیں،انار، انگور، میٹھے وغیرہ وغیرہ۔(عمر فاروق، مظفر گڑھ)
تعبیر:آپ کے خواب کے مطابق اس بات کا اشارہ ہے کہ ایک مراد پوری ہوگی تاہم اخلاص نیت کا اہتمام کریں (یَافَتَّاحُ یَارَزَّاقُ) 313 بار پڑھ کر دعا کرلیا کریں (بعد نماز عشاء) واللہ اعلم۔
اللہ والوں کا روحانی فیض
میں نے دیکھا کہ لوگوں کا بہت بڑا ہجوم ہے، سخت گرمی اور دھوپ سے دوپہر کے وقت پیر علی ہجویری المعروف داتا صاحب رحمۃ اللہ علیہ لاہور کے گیٹ کے سامنے سڑک پر لوگ پیاس اور دھوپ سے تھکے ہارے کھڑے ہیں، میں بھی ان میں شامل ہوں اور سوچتا ہوں کہ کہیں سے پانی اور چھائوں مل جائے۔ اتنے میں دربار کا مین گیٹ کھولا جاتا ہے جس کا رخ بھاٹی گیٹ چوک کی طرف ہے اور اندر داخل ہونے کے لیے مجھے بلایا جاتا ہے۔ میرے ساتھ میرے دو دوست بھی اندر جاتے ہیں۔ اندر ٹھنڈی اے سی کی ہوائیں ہماری طرف چلائی جاتی ہیں، بیٹھنے کے لیے کرسیاں دی جاتی ہیں اورجگ جو تعداد میں چار سے زیادہ تھے اور گلاسوں میں ٹھنڈا پانی پیش کیا جاتا ہے، لیکن پانی دینے والے لوگ نظر نہیں آتے۔ نامور سیاسی لوگ بھی اس جلوس میں شامل تھے لیکن مجھے اور میرے ساتھ دو لوگوں کو ہی اندر بلایا جاتا ہے۔(م۔س،لاہور)
تعبیر:آپ کے خواب کے مطابق اس بات کا اشارہ ہے کہ آپ کو اللہ والوں کا روحانی فیض نصیب ہوگا، بہتر ہوگا کہ آپ متبع شریعت و سنت بزرگ سے اپنا روحانی اصلاحی تعلق قائم کرلیں۔ واللہ اعلم
ایک عورت نے یرغمال بنالیا
میں نے خواب میں دیکھا کہ ہمارے ہاں ایک عورت آئی ہے، اس نے ہم لوگوں کو یرغمال بنایا ہوا ہے۔ میں پتہ نہیں کسی بات پر اس سے بحث کرتی ہوں، تو وہ میرے سر پر ہاتھ رکھ کر میرے بال نوچ لیتی ہے، اس کے ہاتھ میں میری ایک لٹ آجاتی ہے۔ میرا دیور کہتا ہے کہ آپ کیوں بحث کرتی ہیں، پھر دیکھا کہ ہم بہت ڈرے ہوئے ہیں وہ ہم سب کے دوپٹے اتروا کر ہمیں کالے رنگ کےڈوپٹے دیتی ہے کہ یہ اوڑھو۔ اس کے ساتھ شاید ایک بچہ بھی ہے، میں اس سے نرمی سے بات کرتی ہوں تو وہ عورت مجھ سے متاثر ہو جاتی ہے۔(پوشیدہ‘ سکھر)
تعبیر: آپ کے خواب کے مطابق اس بات کا اشارہ ہے کہ آپ کو وظیفہ کی سورئہ مزمل کی رجعت ہوئی ہے جو کہ بغیر کسی اجازت کے آپ نے شروع کردیا تھا تاہم آپ اپنا اور گھر والوں کا گوشت کی صورت میں صدقہ دیں اور سورئہ الرحمن روزانہ تین مرتبہ بعد نماز فجر پڑھ کر اپنے اور گھر والوں پر دم کریں یہ عمل چالیس روز تک کرنا ہوگا۔ واللہ اعلم۔

Ubqari Magazine Rated 4.0 / 5 based on 206 reviews.