Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

خواتین کے پوشیدہ امراض اس عمل سے دور

ماہنامہ عبقری - جون 2020

محترم حضرت حکیم صاحب السلام علیکم!اللہ پاک آپ کی اور آپ کی نسلوں کی کامل حفاظت فرمائیں ۔ میں ، میری والدہ اور بہن بھی آپ سے بیعت ہیں۔ اللہ تعالیٰ کا شکرہے بیعت کی بہت برکت مل رہی ہے۔ دم میں شرکت کرتا ہوں۔ دم کی برکت سے ہماری بہت سے پریشانیاں دور ہوئیں۔ والدہ کی آپ سے دوبار ملاقات ہوچکی ہے پہلی ملاقات میں آپ نے یَامُمِیْتُ یَاقَابِضُ مُحَمَّدُرَّسُوْلُ اللہِ اَحْمَدٌ رَّسُوْلُ اللہِ پڑھنے کو دیا تھا، 200 بار سورئہ الفلق اور سورئہ الناس دی تھی پھر دوبارہ ملاقات ہوئی اس میں آپ نے یَارَبِّ موسٰی یَا رَبِّ کَلِیْم بِسْمِ اللہِ الرَّحْمٰنِ الرَّحِیْمِ دیا تھا یہ وظیفہ ابھی تک جاری ہے کیونکہ دوبارہ ملاقات نہیں ہوسکی۔ اس وظیفہ سے ہماری بہت پریشانیاں دور ہوئیں۔
میری والدہ کو ایک مسئلہ پیش آیا ہم سب گھر والے بہت پریشان ہوئے۔ میری والدہ کی عمر تقریباً 59سال ہے اچانک ان کو بلیڈنگ شروع ہوگئی۔ والدہ نے مجھے بتایا کہ اس طرح مسئلہ ہوگیا ہے مجھے تو تقریباً پندرہ سال سے بلیڈنگ بند ہوچکی ہے ڈاکٹر کو دکھایا تو اس نے فوراًڈی این سی کا مشورہ دیا۔ڈی این سی سے پہلے ایک دم کرو ا چکا تھا۔ دوسری بارڈی این سی سے پہلے دم کروایا۔ 4فروری کو سروس ہسپتال میں ڈی این سی ہوئی۔ بہت پریشان تھا کہ کیا کروں آپ سے ملاقات کرنے کی کوشش کی مگر کامیاب نہیں ہوسکا۔عبقری کے فیس بک پیج سے ایک دن مجھے ایک دعا ملی ‘ جس میں ایک مسنون دعا کی فضیلت لکھی اس کا عنوان تھا ’’مسنون دعا کی برکت سے ٹانگ کٹنے سے بچ گئی‘‘دعا یہ ہے:یَاجَابِرَ الْعَظْمِ الْکَسِیْرِ اَغِثْنِیْ اِشْفِنِیْ یہ دعا ایک اللہ والے نے کسی مریض کو بتائی تھی جس کی ٹانگ کٹنے والی تھی‘ اس نے یہ دعا پڑھی اور جب اس کی پٹی کھولی تو ڈاکٹر بھی حیران رہ گئے‘ زخم بالکل ٹھیک ہوچکا تھا۔ اس دعا کی فضیلت یہ ہے کہ حضورﷺ نے یہ دعا بدر کے موقع پر پڑھی تھی۔ جب میں نے یہ دعا ڈی این سی کی رپورٹ آنے تک رو رو کر پڑھی اللہ کے کرم اور فضل سے رپورٹ بالکل ٹھیک آئی۔ دوسرا یہ کہ ڈی این سی سے پہلے میں نے والدہ کو بسم اللہ والا تعویذ بھی صبح شام چھوٹے سے کاغذ پر لکھ کر دیا جس دن امی ڈی این سی کروانے گئی اس وقت بھی یہ تعویذ امی کے منہ میں تھا اور ابھی تک یہ تعویذ لکھ کر کھلا رہا ہوں اس
سے بھی بہت فائدہ ہورہا ہے۔روزانہ اذان والا عمل کرتا ہوں اور والدہ کے دونوں کانوں میں دم کرتا ہوں یہ بھی عمل میں نے ڈی این سی سے پہلے شروع کیا ہوا ہے اللہ کے فضل سے ابھی تک جاری ہے‘ اس عمل کی برکت سے والدہ کو نیند بھی اچھی آتی ہے اور اس عمل کی برکت سے ماشاء اللہ طبیعت میں بھی سکون ہے‘ یہ اذان والا عمل رات کو سوتے وقت روزانہ ایک بار کرتا ہو۔(حافظ آصف مسعود، لاہور)

 

Ubqari Magazine Rated 5 / 5 based on 109 reviews.