صدقے کا کرشمہ محترم حضرت حکیم صاحب السلام علیکم !درس میں اکثر آپ آمدن میں سے اڑھائی فیصد نکالنے کے فوائد بتاتے ہیں‘ میں نے اپنی آمدنی میں سے اڑھائی فیصد نکالا ہے اور اس کا راشن لے کر اپنے رشتے داروں اور غریبوں کو دیا ہے گھی، چینی، چاول، صابن، چائے کی پتی مکس دالیں‘ انڈے اور آٹا گھر کے دانوں کا پسوا کردیا۔ اسی دن میرے خاوند کے کسی بندے کے پاس پھنسے تین سال سے 35ہزارروپے مل گئے میرے خاوند بڑے خوش ہوئے۔ انمول خزانے کی برکت ہمارے مکان کا مسئلہ تھا ہم نے زمین فروخت کر کے ملتان مکان لیا تھا اس کی رجسٹری درج نہیں ہوئی تھی اس کے بعد کھیوٹ بلاک ہوگئی میرے خاوند جاتے رہے لیکن وہ کہتے تھے کہ ابھی کھیوٹ بلاک ہے جب کھلے گی تو آپ کا کام ہو جائے گا۔ یہ جنوری 2018ء کی بات ہے میرے خاوند جنوری 2018 میں گئے تو پٹواری نے بتایا کہ کل وہ ہی بندہ آیاتھا جس نے ہمیں مکان بیچا تھا اور پانچ مرلے کی فرد ملکیت کا پرچہ لے گیا ہے ہمیں بڑی پریشانی ہوئی اس کو فون کیا کہ آپ نے کیوں نکلوایا ہے آپ ہمیں واپس کرو وہ پہلے پانچ سات لاکھ مانگنے لگ گیا پھر تین لاکھ پر آکر پکا ہوگیا پیسے دو پھر دوں گا۔ ہم بڑے پریشان تھے میں نے اللہ تعالیٰ سے دعا مانگی اور انمول خزانہ پکے یقین کے ساتھ پڑھنا شروع کردیا۔ ماشاء اللہ ہماری اللہ پاک نے ایسی مدد کی کہ انمول خزانے کی برکت سے ہم نے کیس کیا اور فیصلہ ہمارے حق میں ہوگیا ہمارے مکان کی رجسٹری درج ہوگئی۔(مسز حافظ محمد عمران،ملتان)
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
