پھر پیپرز ختم ہوگئے لیکن میں نے آپ کے آن لائن درس سننا نہیں چھوڑے۔ پھر گھر کے قریب ایک ادارے میںفہم دین کا کورس کیا اس میں نمایاں کامیابی حاصل کی۔ اس ادارے کی باجی مجھ سے کافی متاثر ہوئیں اور انہوں نے مجھے عالمہ کے کورس کی دعوت دی تو میں نے دوسرے بڑے ادارے میں عالمہ کا کورس کیا۔ عبقری کے وظائف کی وجہ سے میرا حافظہ الحمدللہ بہت تیز ہوگیا۔ عالمہ جیسے مشکل کورس میں میرے پورے نمبرز آتے وہاں سے بھی میں نے بہت کچھ سیکھا سب سے بڑھ کر ادب سیکھا۔ ہمارے استاد کہتے کہ ادب سے آدھا علم آتا ہے میں نے الحمدللہ کتابوں، قلم وغیرہ کا بہت ادب کیا اور میں جامعہ کی سب سے لائق لڑکی بن گئی ٹاپ کرتی۔یہ عبقری رسالہ اور درس کی برکات تھیں۔ مجھ سے وہاں پر سب بہت خوش تھے میں نے وہاں پر کوئی دوست نہیں بنائی میرے استاد مجھے بہت دعائیں دیتے۔ میر ی زندگی مکمل طور پر بدل گئی تھی میرے اللہ رب العزت نے مجھے بے نیاز کردیاتھا بہت پرسکون تھی گھر والوں کارویہ بھی بہت بدل گیا۔ جامعہ کا پہلا سال کامیابی سے گزر گیا پھر دوسرا سال شروع ہوا وہ بھی ایسا ہی روحانیت اور نورانیت سے بھرپور تھا۔عبقری سے جڑنے کے بعد میری زندگی مکمل بدل چکی تھی‘ میرا رمضان المبارک تو بہت بہترین گزارا، اعمال و عبادات سے بھرپور، امتحانات بھی ہوگئے۔ اس میں بھی میں ممتاز درجے سے پاس ہوئی۔ صدقہ وغیرہ بھی کرتی ہوں زیادہ خیال یہ ہی رہتا ہے کہ میری موت قریب ہے کیونکہ ابھی تک وہی کیفیت ہے اپنے آپ کو نارمل محسوس نہیں کرتی۔ گھر والوں کو مجھ سے بہت امیدیں ہیں وہ چاہتے ہیں کہ میں آگےمزید علم حاصل کروں اور عالمہ کا کورس جو کیا ہے وہ بھی لوگوں کو سکھائوں‘ لوگوںکو اور اللہ رب العزت کو معلوم ہے کہ میں مچھلی کی طرح تڑپ رہی ہوں کہ اللہ پاک مجھے صحت دے تو میں پھر سے جامعہ جائوں، پڑھائوں بھی اور حفظ بھی کروں‘ چھ سال کا کورس کروں‘ یہ سب میری شدید خواہشات ہیں۔میں عبقری سے دیکھ بہت وظائف پڑھتی ہوں‘ نظربد اور اثرات دور کرنے کے وظائف کرتی ہوں۔ مجھے آپ کی مدد کی ضرورت ہے‘ آپ مجھے خدارا کوئی عمل یا وظیفہ عنایت فرمائیں میں گنہگار حقیر دین کی خدمت کرنا چاہتی ہوں جو دین کا علم حاصل کیا ہے اسے آگے پھیلا چاہتی ہوں۔اپنا ماضی دیکھتی ہوں تو رونگٹے کھڑے ہوجاتے ہیںمیں کیا تھی اور ایک شمارہ نے مجھے کیا بنادیا۔میں وہی ہوں جس سے سب نفرت کرتے‘ میری تیززبان کسی کو میرے سامنے ٹکنے نہ دیتے‘ رشتہ داروں نے حتیٰ کہ گھر والوں نے بھی منہ موڑ لیا تھا‘مگر عبقری ملا‘ درس سننا شروع کیے‘ آج ایک عالمہ فاضلہ ہوں‘دنیا عزت کی نظر سے دیکھتی ہے‘ جہاں جاتی ہوںخواتین اٹھ کر کھڑی ہوجاتی ہیں۔میں الحمدللہ عبقری پر یقین رکھتی ہوں لیکن آپ کوئی وظیفہ مجھے مخصوص فرمادیں مجھے ڈر ہے کہ یہ عالمہ بننا میرے لیے وبال نہ بن جائے میں چاہتی ہوں کہ میں باعمل بنوں،دین کا علم سکھاؤں۔(ع۔ع، راولپنڈی)