محترم حضرت حکیم صاحب السلام علیکم!اللہ تعالیٰ آپ کو صحت والی لمبی زندگی عطا فرمائے آپ کا سایہ تادیر ہمارے سروں پر قائم رہے۔عبقری رسالہ میں آئے اعمال و وظائف اور ٹوٹکوں سے لوگوں کے مسائل حل ہورہے ہیں۔ عبقری رسالہ میں بارش کے پانی کے متعلق پڑھا‘ میں نے بارش کے پانی پر عمل کرکے اپنی ایک رشتے دار کو پانی دیا‘ اس کی چھاتی پر
چھوٹی سی گلٹی تھی اور اس کو تکلیف اتنی زیادہ تھی کہ وہ اپنے بدن پر قمیض بھی برداشت نہیں کرسکتی تھی ۔ ڈاکٹر نے پانچ لاکھ روپے آپریشن کے مانگے تھے میں نے بارش کے پانی پر دم کرکے دیا پہلے گھونٹ پر ہی اللہ تعالیٰ نے اسے شفاء کی امید دلا دی‘ چند ہفتوں میں ہی اس کا درد بالکل ختم اور پھر آہستہ آہستہ گلٹی بھی ختم ہوگئی۔ (مسز عمران‘ ملتان)