محترم حضرت حکیم صاحب السلام علیکم!جس کو ہچکی لگی ہو اس کو حیران کن بات کہیں‘ ایسی بات جسے سنتےہی وہ یکدم حیران رہ جائے‘ آپ یقین کیجئے اس کی ہچکی فوراً ٹھیک ہوجائے گی۔ ہمارے ماحول میں جھوٹی چوری کی بات کی جاتی ہے جس سے وہ حیران ہو جاتا ہے اس لیےکوشش کریں آپ کی بات میں جھوٹ بھی نہ ہو اور ہچکی والا بندہ اچانک پریشان بھی ہوجائے۔درجن بھر واقعات تو میرے مشاہدہ میں ہے جن کو اچانک حیران و پریشان کیا اور اس کو ہچکی آنا ختم ہوگئی۔ (ج،سیالکوٹ)
عبقری ٹوٹکہ سیکشن:قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے ۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کے راز ٹوٹکے ہی بھیجیں۔