Ubqari®

عالمی مرکز امن و روحانیت
اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- خاص تبدیلی اہم نوٹ: پہلے ہرماہ مغرب کے بعد حلقہ کشف المحجوب اور مراقبہ ہوتا تھا مگر اب صبح کے وقت اسم اعظم کے دم کے فوراً بعد ہوا کرے گا تاکہ مسافر سہولت سے گھروں کو واپس جاسکیں ۔۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

نبویﷺ راز! صرف دکھی مریضوں کیلئے


نبویﷺ راز! صرف دکھی مریضوں کیلئے (حکیم محمد طارق محمود مجذوبی چغتائی (پی ۔ ایچ ۔ ڈی : امریکہ ایڈیٹر : عبقری ) بندہ مسجد نبوی ﷺ شریف میں با ب عمر بن خطا ب رضی اللہ تعالیٰ عنہ میں دنیا کی عظیم روحانی اور دینی شخصیت کیساتھ بیٹھا تھا۔ مختلف موضوعات پر گفتگو ہو رہی تھی تو تذکرہ انجیر کا ہوا۔ فرمانے لگے کہ اللہ تعالیٰ نے کیکر اور شیشم کے درخت کی قسم نہیں کھائی بلکہ قرآن میں پوری سور ت کا نام خود انجیر ہے یعنی سورئہ التین ہے اور پھر اس سورئہ میں اللہ تعالیٰ نے انجیر کی قسم کھائی ہے۔ آخر اس میں اتنی افا دیت ہے تو اللہ تعالیٰ جیسی ہستی نے قسم اٹھائی ہے۔ آخر کیو ں ؟کچھ بلکہ سب کچھ ہے توقرآن جیسی مقدس کتا ب میں اس کا تذکرہ آیاکچھ ہے تو اللہ تعالیٰ نے پہلے اس کی قسم یعنی انجیر کی اور پھر زیتون کی قسم اٹھائی ہے۔ لاجواب نسخہ اور میرے مشاہدات: آئیے !آج آپ کو ایک عظیم تحقیق کی طر ف متوجہ کر تے ہیں جو نہ صرف تحقیق ہے بلکہ صدیو ں سے آزمو دہ ایک لا جواب نسخہ اور تجر بہ ہے۔ ایک صاحب میرے پاس آئے ، کہنے لگے عرصہ دراز سے عبقری کا اور آپ کی کتابو ں کا قاری ہوں۔ آپ نے ہر ورق میں بخل شکنی کی ہے ،کوئی عمل اور فارمو لا نہیں چھپا یا۔ میرے پاس ایک لا جو اب نسخہ ہے جو میں مندرجہ ذیل امراض میں نہایت بھروسہ سے استعمال کرا تا ہوں۔ پھر ان امراض کا تذکر ہ اور ان سے متعلق واقعات بیان کیے ، پھر بندہ نے بھی اس نسخہ کو آزمایا۔ اب تمام وا قعات اور تجر بات آپ کی خدمت میں پیش کر تا ہو ں اور آپ سے بھی درخوا ست کر تا ہو ں کہ آپ بھی اپنے طبی اور روحانی تجر بات ضرور ارسال کریں اور مسلسل کریں تا کہ آپ کے افادات سے مخلو ق خدا کو بھی نفع پہنچے ، ایک صاحب یو رک ایسڈ کی آخری حالت میں مبتلا تھے انہو ں نے یہ فارمولا چند ہفتے استعمال کیا اور اتنے لا جو اب رزلٹ ملے کہ گمان سے بالا تر تھے کہنے لگے کہ ہزاروں روپے تو ٹیسٹوں پر خر چ کیے اور ہزاروں کی ادویا ت مسلسل کھا رہا ہوں لیکن افا قہ نام کی چیز میر ے قریب نہیں آتی جب سے یہ نسخہ کھا نا شروع کیا تو یو رک ایسڈ کی رپورٹ ایسی نا رمل ہوئی کہ خود میرا سر جن ڈاکٹر اور فزیشن دوست حیران ہیں۔ پھر میں نے یہی نسخہ اپنے ان ڈاکٹردوستوں کو دیا انہو ں نے خود تو مریضو ں کو لکھ کر نہیں دیا کہ ان کی شان کے خلا ف تھا۔ وہ اس نسخے کی مکمل ترکیب اور استعمال کی فو ٹو کاپی ہر مریض کو دیتے ، یقین جا نئے اگر ان سے اس نبوی شفاء کا رزلٹ لیا جائے تو آپ کے لیے انو کھا تجر بہ ہو گا۔ مریض معالج بن گیا: ایک صاحب بواسیر کے دیرینہ مسئلے میں مبتلا تھے ،کچھ ادویا ت اور پرہیز سے کام چل جاتا پھر ویسے ہی خون کا نکلتا ، جلن ، تکلیف اور طبیعت میں بے چینی ہو جا تی تھی۔ انہیں یہی دوائی استعمال کرائی اب وہ خود بواسیر کے معالج ہیں اور لوگوں کو یہی دوااور نسخہ لکھ لکھ کر دے رہے ہیں اورمریض تندرست ہو رہے ہیں۔ بواسیر کسی بھی قسم کی ہو چاہے پرانی ہو یا نئی ہو ،خاندانی ہو یا زخم بن گئے ہوں، ان سب امراض کے لیے لا جوا ب تحفہ ہے۔ کسی ایک نے نہیں بے شمار نے آزما یا اور نہا یت مفید پایا۔ نا ک کی بڑھی ہوئی ہڈی، دائمی نزلہ ، چھینکیں بلکہ چھینکوں کا طو فا ن ، فلو اور زکام جو کسی بھی دوائی سے درست نہ ہو رہا ہو۔ اس نسخے سے بالکل تندرست ہو جا تا ہے۔ کئی بار آپریشن کروانے والوں کو پھر ناک کا مسئلہ شروع ہو جا تاہے۔ چھینکیں ہیں کہ رکنے کا نام نہیں لیتیں۔ نزلہ ، زکام اپنے عرو ج پر ہو۔ اسلام آباد کی پو لن الرجی ہو یا کسی کو ڈسٹ الرجی ہو، ان سب کے لیے یہ ایک قدرتی عطیہ ہے ، قدر دان ہی قدر کرینگے۔ کانوں کے امراض میں ذاتی آزمودہ: کانو ں کے مسائل کے لیے تو خود اپنی ذات کا آزمو دہ ہے۔ ہو ایہ کہ سالہا سال سے گھنٹو ں مو بائل اور بلیو ٹوتھ کے استعمال سے میرے کا نو ں میں سخت خارش ، تکلیف ، ٹیس اور درد شروع ہو گئی۔ پہلے تو کم محسو س ہوا پھر احساس ہو اکہ یہ سب کچھ اس موبائل کی کرامت ہے۔ اس کا استعمال چھوڑ دیا۔ قارئین یقین جانئے، کسی دن موبائل کھلا رہ گیا اور میں کالیں نہ سن سکا تو 500 سے 800 تک مس کالیں تھیں۔ یہی نسخہ مسلسل استعمال کیا۔ آہستہ آہستہ مرض ختم ہونا شروع ہوا۔ ایسے مریض جو کان بہنے ، کان کے نا سور اور زخم میں عرصہ دراز سے مبتلا ہوں ، انہیں یہ نسخہ ضرور استعمال کرنا چاہیے۔ حتیٰ کہ کانو ں کے بہرے پن کا یہ آزمودہ فقیری لنگر ہے۔ اسی طر ح گلے کی مرض ہو، آوا ز بیٹھ جائے ،آواز ختم ہو جائے ، ٹانسلز، گلے کا ورم، گلے کے غدود ان سب کے لیے ایک مشاہداتی چیز ہے۔ بچوںکے گلے کے امراض میں شفاء یابی: ایک خاتون نے لکھا کہ میں اپنے تمام بچوں کے گلے اور اس کی خرابی سے مسلسل پریشان تھی کبھی کسی دوائی سے فائدہ نہ ہوا لیکن جب سے اس کا استعمال شروع کیا ہے اس دن سے واقعی میرے بچوں کی انٹی بائیوٹک ادویات ختم ہوئیں۔کہتے ہیں کہ دمہ دم کے ساتھ ہے لیکن اس خدائی شفا نے یہ سب کچھ غلط ثابت کر دیا کہ دمہ دم کے ساتھ نہیں بلکہ دمہ قابل علاج ہے۔ جس کے سینے میں جکڑن ہو، پسینہ بندھا ہوا ہو ،بلغم ریشہ حتیٰ کہ الرجی کا دمہ اور الرجی کی کھانسی ہو ان سب کے لئے یہ ایک نعمت عظمیٰ ہے۔ کتنے لوگ ایسے ملے جو یہ بات کہتے تھے کہ ہم ادویات اور انہیلر استعمال کر کے تھک گئے ہیں۔ جب انہوں نے یہ نسخہ استعمال کیا اور مسلسل کیا تو انہیں آرام بلکہ مکمل شفایابی نصیب ہوئی۔ آپ بھی آزمائیں لیکن جلدی نہ کیجئے گا خود میرے پاس سینے کے ریشے بلغم اور الرجی کے تقریباً 300 سے زائد کیس جنہیں باقاعدہ یاد رکھا اور وہ تندرست ہوئے ورنہ ایسے ہزاروں کیس ہیں۔ جلدی الرجی جسم کا پھول یا سوج جانا، ڈھیلا پڑ جانا خارش اور دانے چاہے پیپ دانے ہوں یا سرخ ہوں یا خون والے ہوں ان سب کے لئے یہ آخری چیز ہے۔ ایک صاحب اپنے جسم سے نفرت کرتے تھے معلوم ہوا کہ کئی بار خودکشی کی ناکام کوشش کر چکے ہیں لیکن موت دور رہی۔ انہوں نے یہ دوائی استعمال کی اور بالکل صحت یاب ہو گئے جلد نکھری اور شفاف بن گئی۔ صحت مند، تندرست اور باکمال بن گئی۔ دائمی قبض اور تبخیر کا علاج: دائمی قبض گیس تبخیر کے مریض تو آنکھیں بند کر کے یہ تحفہ استعمال کریں۔ جب تمام دوائیاں عارضی فائدے کے بعد اپنے دائمی فوائد کھو چکی ہوں اور مریض عاجز آگئے ہوں سینے کی جلن، گیس تبخیر، پیٹ کا بڑھنا حتیٰ کہ خواتین میں سرنیوں اور رانوں کا موٹاپا ، دائمی قبض اور گندے کھٹے ڈکار آتے ہوں اور کوئی چیز ہضم نہ ہوتی ہو۔ غذا جزوبدن نہ بنتی ہو جسم میں خون کی کمی ہو ایسے تمام عوارضات میں یہ دوائی نہایت بھروسے اور اعتماد سے استعمال کریں۔ اس کے اثرات دیکھ کر آپ کی حیرت کی انتہا نہ رہے گی۔آخر میں مردوں اور عورتوں کے حسن وجمال کے لئے جب چہرہ ویران داغ دھبے، چھائیاں اور کیل مہاسے جان نہ چھوڑرہے ہوں وہاں یہ دوائی ایک نعمت، رحمت اور کرم کا درجہ رکھتی ہے۔ مختصر دوائی اور فائدے بیشمار: نوٹ :۔قارئین !ایک مختصر دوائی کے اتنے فائدے ہیں کہ شاید آپ شک میں پڑ جائیں لیکن آزمائیں ہاں اتنی بات ضرور ہے کہ جلدی نہ کیجئے گا۔اعتماد اطمینان اور کچھ ہفتے تسلی سے ضرور استعمال کریں۔ ھوالشافی:۔ انجیر 3دانے، سونف ½ چمچ چائے والا ،سبز پودینہ دیسی ، (پتے اور شاخ سمیت) ایک عدد پودینہ اور انجیر ٹکڑے ٹکڑے کرکے 2کپ پانی میں بھگو دیں۔صبح ابالیں جب ایک کپ باقی بچے تو اتار کر ٹھنڈا کر کے خوب مل چھان کر حسب ضرورت میٹھا ملائیں ورنہ ایسے ہی چسکی چسکی یا گھونٹ گھونٹ پئیں۔ایسا دن میں 3سے 4بار استعمال کریں چند ہفتے موسم گرما میں اسی طرح رات کو تیز ابلتے پانی میں بھگو دیں صبح خوب مل چھان کر میٹھا ملائیں ایسے ہی پی لیں گرم نہ کریں۔ قارئین! آپ بھی اپنے تجربات ٹوٹکے مشاہدات روحانی اور طبی واقعات لکھیں چاہے ٹوٹا پھوٹا لیکن ضرور لکھیں۔ (www.ubqari.org) ٭…٭…٭