محترم حضرت حکیم صاحب السلام علیکم! میں ماہنامہ عبقری گزشتہ آٹھ ماہ سے پڑھ رہا ہوں اور بذریعہ انٹرنیٹ آپ کے درس بھی سن رہا ہوں۔ ماہنامہ عبقری میں موجود روحانی محفل کرنے کی وجہ سے میری زندگی کا رخ ہی بدل گیا ہے‘ میری پریشانیاں ختم ہورہی ہیں‘ الجھنیں ختم ہورہی ہیں۔ میری زندگی کا راستہ برائیوں سے نکل کر اچھائیوں کی طرف گامزن ہوگیا ہے۔ پہلے میں ہر قسم کے گناہوں میں لگا رہتا تھا‘ فلمیں دیکھنا‘ ہروقت ٹی وی پر اپنے پسندیدہ ڈرامے اور گانے دیکھنا‘ جس جگہ دین کی بات ہورہی ہوتی وہاں سے بھاگ جاتا تھا‘ زندگی میں نماز کا نام و نشان تک نہ تھا‘ صرف جمعہ کی نماز پڑھتا تھا وہ بھی صرف دنیا والوں کے ڈر سے‘ مگر جب سے(باقی صفحہ نمبر)
روحانی محفل شروع کی ہے دل خودبخود نیک کام کرنے کو کرتا ہے اور برائی سے دور بھاگتا ہے۔ جہاں دین کی بات ہورہی ہوتی ہے وہاں بیٹھتے ہی دل کو چین سکون مل جاتا ہے۔ گانے باجے فلم ڈراموں سے خود کو بچاتا ہوں جہاں لگا ہوتا ہے وہاں کانوں میں انگلیاں خودبخود گھس جاتی ہیں۔ جب بھی کوئی مسئلہ یا پریشانی ہوتی ہے اس کی روحانی محفل اسی نیت کے ساتھ کرتا ہوں تو اللہ تعالیٰ چند بار کرنے سے ہی میری مدد فرماتے ہیں اور وہ مسئلہ حل ہوجاتا ہے۔ بے شک عبقری نے میری زندگی میں سکون بھر دیا ہے۔(آ۔ہزارہ)