محترم حکیم صاحب السلام علیکم! آپ نے ملاقات میں مجھے فرمایا تھا کہ 14 جمعراتیں درس میں شرکت کریں اور انشاء اللہ دعائیں قبول ہوں گی۔شروع شروع میں دل نہیں کیا لیکن جب مسائل نے شدت اختیار کی تو آپ کی بات باربار میرے کانوں میں سنائی دینے لگی چنانچہ میں نے پکی نیت کرکے درس میں شرکت کی۔ الحمدللہ! میری سوچ کا زاویہ ہی بدل گیا اگرچہ میں قرآن کا حافظ ہوں لیکن کبھی نمازیں پڑھ لیا کرتا تھا کبھی چھوڑ دیا کرتا تھا لیکن آپ کا درس سن کر اللہ عزوجل اور اس کے حبیب ﷺ سے محبت ہوگئی ہے۔میں پہلے سگریٹ پیتا تھا لیکن اب سرکار ﷺ کی ناراضگی ذہن میں آجاتی ہے اس لیے میں نے سگریٹ پینا بھی چھوڑ دئیے ہیں۔ ڈاڑھی کی نیت کرکے ڈاڑھی بھی رکھ لی ہے۔ (عبدالباسط مشتاق)