محترم حضرت حکیم صاحب السلام علیکم! میں عبقری کا بہت پرانا قاری ہوں اور اب عبقری میرے گھر کی زینت بن چکا ہے‘ میرے تمام بچے بڑے غور سے پڑھتے ہیں اور اس میں موجود دعائیں اور ٹوٹکے استعمال کرتے ہیں جن سے ان کو فوائد پہنچتے ہیں۔ میں قارئین عبقری کیلئے اپنا آزمودہ ٹوٹکہ لکھ رہا ہوں۔ میرا ایک لڑکا جس کاکان بہت بہتا تھا اور میں نےاس کا کافی علاج کروایا مگر مسئلہ جوں کا توں رہا‘ بچے کی حالت یہ تھی کہ اس کے کان سے اتنی بدبو آتی تھی کہ کوئی بھی اس کے پاس بیٹھ نہیں سکتا تھا‘ ہم سب اس کی بدبو سے بہت پریشان تھے‘ ایک دن ہم کسی رشتہ دار کے گھر ان سے ملنے گئے تو ان کو بھی بدبو نے پریشان کیا‘ پھر انہوں نے ہی اس کا علاج بتایا۔ ھوالشافی: تھوڑی سی رتن جوت اور تھوڑا سا سرسوں کا تیل لیں۔ رتن جوت کو سرسوں کے تیل میں جلانا ہے اور ٹھنڈا ہونے پر اس کو ڈراپر میں ڈال لیں‘ روزانہ تین مرتبہ اس کے قطرے کان میں ڈالنے ہیں۔ ہم نے صرف ایک ہفتہ یہ ٹوٹکہ آزمایا بس اس کے بعد بچے کا کان نہیں بہا‘ کتنے ہی لوگوں کو یہ ٹوٹکہ بتایا سب کو ہی فائدہ ہوا۔ (محمدابراہیم شاہ‘ حیدرآباد)
