قارئین! کافی عرصہ سے میں اپنی بہن کے پاس کراچی جانا چاہ رہی تھی لیکن پیسوں کی مجبوری آڑے آجاتی تھی‘ میں نے عبقری رسالہ سورۂ کوثر کا عمل پڑھا‘ صبح و شام 129 مرتبہ سورۂ کوثر پڑھنا ہےاور پڑھ کر ایک کپڑے کی تھیلی( جس میں پیسے رکھتے ہیں) سی کر اس پر دم کرنا ہے۔ اس کے علاوہ سارا دن باوضو پاک حالت میں سورۂ کوثر کی تلاوت کرنی ہے۔ میں پیسوں والی تھیلی پر روزانہ سورۂ کوثر 129 بار پڑھتی رہی‘ پیسوں کو گنا نہیں۔ میرا یقین کیجئے! پندرہ دن بعد میرے بچے کہتے اماں چلو خالہ کے گھر چلتے ہیں‘ میرا بھی ارادہ بن گیا‘جب میں نے تھیلی کھولی اس میں اتنی رقم تھی کہ میں آسانی سے کراچی جا اور آسکتی تھی‘میں کراچی گئی‘ وہاںبھی میں باقاعدگی سے یہی عمل کرتی رہی‘ وہاں میں شاپنگ بھی کی‘ ہر رشتہ دار کے گھر مٹھائی بھی لے کر گئی‘ واپس بھی آگئی اور پھر بھی ایک ہزار بچ گئے‘ یہ سب اسی عمل کا نتیجہ ہے۔ (فرخ‘ لاہور)
