میرا بیٹا محمد پیدائش سے بیمار رہتا تھا اور آئے دن اس کو کھانسی اور زکام لگ جاتا تھا۔ ڈاکٹروں کو چیک کرایا انہوں نے کہا کہ اس کو الرجی ہے اور یہ دس سال کی عمر میں خودبخود ٹھیک ہوجائے گا‘ لہٰذا آپ الرجی کی دوائی مستقل لے کر گھر رکھ لیں اور یہ دوائی مستقل دیں۔ عبقری میں ایک نسخہ ٹانسلز کیلئے آیا۔ قسط شیریں 100 گرام اور شہد 300 گرام کوملالیں اور ایک چمچ صبح و شام دیں۔ میں نے وہ بنایا اور اپنے بیٹے کو تقریباً ایک ماہ دیا۔ وہ دن ہے اور آج کا دن ہے اس کے بعد وہ سردی میں باہر پھرتا ہے‘ کھیلتا ہے اور برف بھی کھاتاہے لیکن اس کے بعد وہ ماشاء اللہ بالکل ٹھیک ہے اور اس کی قوت مدافعت بھی ٹھیک ہوگئی ہے۔ (عمرحبیب بلوچ‘ گوجرانوالہ)
