21 جمعراتیں ‘ سورۂ اخلاص کا عمل اور کاروباری بندش ختم
محترم حضرت حکیم صاحب السلام علیکم! میرے شوہر کاروبار کی وجہ سے بہت زیادہ پریشان تھے‘ ہمیں کسی نے تسبیح خانہ کا بتایا‘ میں اور میرے شوہر صاحب عصر کےوقت تسبیح خانہ کی گلی میں پہنچے تو وہاں رونق ہی اور تھی‘ چہل پہل‘ خواتین کیلئے علیحدہ باپردہ بلڈنگ‘ پرسکون ماحول‘ میرے شوہر صاحب نے مجھے خواتین کی بلڈنگ (تسبیح خانہ قدیم) میں چھوڑا اور خود مردوں کے تسبیح خانہ میں چلے گئے۔ مغرب کی نماز کے بعد درس شروع ہوا۔ تو مجھے وہاں موجود خواتین نے بتایا کہ ان دنوں سورۂ اخلاص کا چلہ چل رہا ہے‘(جو کہ 21 جمعراتوں تک چلے گا) میں نے اس کی وضاحت چاہی تو ایک اللہ والی نے مجھے تفصیل سے سمجھایا۔ ہم نے درس سنا‘ سورۂ اخلاص کے عمل میں شامل ہوئے اور درس کے بعد ذکرخاص اور اسم اعظم سے
مزین دعا‘ رو رو کر اللہ کریم سے دعا مانگی۔ جب تسبیح خانہ سے نکلی تو میں بالکل بدل چکی تھی‘ میں بالکل پرسکون تھی‘ لگتا تھا کہ اب میں صحیح جگہ پہنچی ہوں۔ شوہر باہر ملے تو وہ بہت خوش‘ ان کے چہرے پر سکون تھا‘ اطمینان تھا۔ ہم نے تہہ کرلیا کہ ہم 21 جمعرات سورۂ اخلاص کے عمل میں ضرور شامل ہوں گے اور کوئی بھی ناغہ نہ کریں۔ ہماری ابھی گیارہ جمعراتیں بھی نہ ہوئیں تھی کہ میرے شوہر کا کاروبار سنبھلنا شروع ہوگیا‘ پرانے گاہک واپس آنا شروع ہوگئے‘ آرڈر ملنا شروع ہوگئے‘ مگر ہم نے جمعرات کو درس پر آنا نہ چھوڑا۔ آج ہم مطمئن خوش ہیں۔ کاروبار بہترین چل رہا ہے‘ رزق میں برکت ہے‘ سکون ہے‘ خوشی ہے۔ آج اس بات کو ایک سال گزر چکا ہے مگر درس سے آج تک ناغہ نہیں ہوا۔ (اہلیہ محمد ندیم‘ لاہور)