اللہ تعالیٰ کا ارشاد ہے کیا ایک ایسا شخص جو مردہ تھا پھر ہم نے اس کو زندگی بخشی اور ہم نے اس کو ایک ایسا نور عطا کیا جس کو لئے ہوئے وہ لوگوں میں چلتا پھر تا ہے بھلا کیا یہ شخص اس شخص کے برابر ہو سکتا ہے جو مختلف تاریکیوں میں پڑا ہو اہو اور ان تاریکیوں سے نکل نہ سکتا ہو (یعنی کیا مسلمان کا فر کے برابر ہو سکتاہے)۔ (سورئہ انعام آیت نمبر 221) فرمان رسول صلی اللہ علیہ وسلم حضرت ابن عباس رضی اللہ عنہ روایت کر تے ہیں کہ رسول اللہ صلی اللہ علیہ وسلم نے کعبہ کو دیکھ کر (تعجب سے ) ارشاد فرمایا : لا الہ الااللہ (اے کعبہ !) تو کس قدر پا کیزہ ہے ، تیری خوشبو کس قدر عمدہ ہے اور تو کتنا زیا دہ قابل احترام ہے ۔ ( لیکن ) مومن کی عزت و احترا م تجھ سے زیادہ ہے ۔ اللہ تعالیٰ نے تجھ کو قابل احترام بنایا ہے اور (اسی احترام کی وجہ سے ) اس بات کو بھی حرام قرار دیا ہے کہ ہم مومن کے بارے میں بد گمانی کریں۔ ( طبرانی، مجمع الزوائد )