محترم حضرت حکیم صاحب السلام علیکم! امید ہے کہ آپ بخیریت ہوں گے اللہ آپ کو خوش رکھے‘ شادو آباد رکھے‘ آپ کے اہل و عیال کو خوشیاں دے‘ آپ کے پیرومرشد کی مغفرت فرمائے اور آپ کے والدین کے درجات کو بلند فرمائے۔ آمین! میں جب بھی آپ کو خط لکھتا ہوں مجھے اس خط کا جواب مل جاتا ہے۔ بہت حیران ہوتا ہوں کہ اتنی مصروفیت کے باوجود آپ خط کا جواب دیتے ہیں ۔ تقریباً ایک سال ہوگیا ہے تسبیح خانہ سے جڑے ہوئے‘ اللہ تعالیٰ نے روحانی رزق سے مالامال کردیا ہے ۔ وقت میں بہت برکت ہوگئی ہے‘ سارا دن پڑھائی کرتے گزر جاتا ہے‘ فجر کے بعد سورۂ یٰسین‘ بیعت ہونے کی تسبیحات‘ حم لاینصرون‘ یاحفیظ یاسلام‘ سورۂ اخلاص کی تسبیح‘ روزانہ سورۂ بقرہ‘ استغفراللہ کھلا پڑھتا ہوں‘شام کی تسبیحات میں سورۂ رحمٰن‘ سورۂ واقعہ‘سورۂ ملک‘ سورۂ مائدہ‘ قرآن کی تلاوت کرتا ہوں‘ ہر ماہ عبقری رسالے خرید کر تقسیم کرتا ہوں‘ ایک اہم بات کہ کئی سالوں سے میں تہجد پڑھنے کی کوشش کررہا تھا مگر نہیں پڑھ سکتا تھا مگر اب الحمدللہ پانچ ماہ سے باقاعدہ تہجد پڑھ رہا ہوں۔اب آتا ہوں اصل بات کی طرف جس کی وجہ سے میںیہ خط لکھ رہا ہوں وہ یہ کہ گزشتہ کئی سال سے مجھے گردہ کی درد تھی‘ گزشتہ سال اپریل میں روحانی دم کروایا تھا‘ اللہ کا شکر ہے کہ اب تک دوبارہ گردہ میں درد نہیں ہوئی۔(عمران سلیم‘ فیصل آباد)
نوٹ:آپ نے دم کرایا‘ فائدہ ہوا ضرور لکھیں!
عبقری کے صفحات آپ کیلئے حاضر ہیں!