محترم حضرت حکیم صاحب السلام علیکم!میں گزشتہ کئی ماہ سے عبقری رسالہ بہت شوق سے پڑھتا ہوں‘ اپنا ایک ذاتی مشاہدہ قارئین عبقری کی نذر کررہا ہوں؛۔ میں کاروبار کے سلسلے میں بیرون ملک مقیم تھا‘ چند سال بعد واپس وطن لوٹا تو یہاں آتے ہی مجھے شدید بخار نے گھیر لیا‘ چند دنوں میں ہی میرے وائٹ سیل حیرت انگیز طور پر بہت زیادہ کم ہوگئے‘ میں نے پپیتے کے پتے کا عرق ہر چار گھنٹے کے بعد استعمال کیا۔ اس کے علاوہ کھجور اوردودھ کا خوب استعمال کیا۔ چند دنوں میں ہی میرے وائٹ سیل بڑی تیزی سے بڑھنا شروع ہوگئے حتیٰ کہ ڈاکٹرز بھی حیران ہوگئے کہ اتنی تیزی سے وائٹ سیل کیسے بڑھ رہے ہیں تو میں نے انہیں پپیتے کے پتے‘ کھجور اور دودھ کے استعمال کے متعلق بتایا۔ الحمدللہ اللہ کریم نے ان غذاؤں کے ذریعے مجھے شدید تکلیف سے نجات عطا فرمائی۔ (شاہد حسین‘ کراچی)
