آئیں ٹوٹکے آزمائیں اور پھیلائیں!
محترم حضرت حکیم صاحب السلام علیکم! بہت دیر پہلے کی بات ہے کہ میرے جسم پر انفیکشن ہوجاتی اور ہونٹ سوج جاتے اور جسم پر ابھار سے بن جاتے جیسے مچھر یا کیڑا کاٹنے کے بعد بن جاتے ہیں۔ایک حکیم صاحب نے مجھے بتایا رات کو دنداسا پانی میں بھگودیا کرو اور صبح اس کے ساتھ دانت صاف کرو اور اپنی انگلیوں کے پوروں پر ہری مہندی لگایا کرو‘ کچھ عرصہ یہ علاج کیا تو مجھے آج تک دوبارہ انفیکشن نہیں ہوئی۔ (پوشیدہ)
عبقری میں ٹوٹکہ سیکشن کا قیام
اس کارخیر میں آپ بھی حصہ دار بنیں
قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کا راز ٹوٹکے ہی بھیجیں۔
