محترم حضرت حکیم صاحب السلام علیکم! دوران حمل خواتین کو بہت سی مشکلات درپیش آتی ہیں خاص کر پہلے تین ماہ بہت مشکل سے گزرتے ہیں دل بہت گھبراتا ہے‘ کچھ بھی کھانے پینے کو دل نہیں چاہتا‘ اس کیلئے میں قارئین عبقری کیلئے چند غذائی ٹوٹکے لائی ہوں یقیناً ان سے ایسی خواتین کو بہت فائدہ ہوگا۔ آملہ کا یا سیب کا مربہ صبح تھوڑا سا دھو کر چاندی کا ورق لگا کر کھالیا جائے تو سکون ملتا ہے۔ پہلے تو لوگ عرق گلاب سےدھوکر ورق لپیٹ کر کھلاتے تھے۔ اب چاندی کےورق بھی نامعلوم اصلی ہیں یا نہیں۔ کچھ خواتین کو مٹھاس اچھی نہیں لگتی‘ اس کیلئے سیب دھو کر کھلاتے تھے۔ دل کے متلانے پر میٹھاسوکھاآلوبخارا بہت اچھا ہے۔ بازار سے سنہری رنگ کا میٹھا آلو بخارا خشک منگوائیں۔ ایک دانہ منہ میں رکھ کر چوستی رہیں۔ اس سے بہت فرق پڑتا ہے۔ پیٹ بھر کر نہ کھائیں بلکہ تھوڑا تھوڑا کھانا چاہیے۔ چار ماہ بعد یہ مسئلہ ٹھیک ہوجاتا ہے۔ اپنا چیک اپ کراتی رہیں تاکہ کوئی اور مسئلہ نہ ہونے پائے‘ آلو بخارا کھانے سے آپ کا مسئلہ حل ہوگا۔(ف۔ر، لاہور)
