میرے منہ سے بہت بو آتی ہے۔ شادی سے پہلے خیال نہیں کیا، اب مجھے بہت شرمندگی ہوتی ہے۔ میرے شوہر بہت اچھے ہیں۔ انہوں نے کبھی شکایت نہیں کی مگر جب کبھی کسی دعوت میں جانا ہو، تو کہتے ہیں کہ الائچی ساتھ رکھ لو تاکہ منہ سے خوشبو آتی رہے۔ مجھے قبض کی شکایت بھی ہے۔ (پوشیدہ)
مشورہ: میتھی دانے کی چائے آپ کیلئے بہت مفید ہے جب ایک پیالہ پانی ابل جائے تو ایک چمچ میتھی دانہ ڈال کر ڈھک دیجئے۔ دس منٹ بعد چھلنی سے چھان کر پی لیجئے۔ صبح شام یہ چائے پینی ہے۔گلے سے بلغمی مواد نکلنے کا مسئلہ بھی یہ چائے ٹھیک کردیگی۔ یہ سانس اور منہ کی بدبو دور کرتی اور جسم سے گندے زہریلے مادے نکالتی ہے۔ چائے کا ذائقہ بہتر نہ لگے تو لیموں کے رس کے چند قطرے ملالیں۔ اس سے قبض بھی دور ہو جائیگی اور منہ کی بدبو بھی۔
اور آپ کو کافی آرام ملے گا۔
