محترم حضرت حکیم صاحب السلام علیکم! ہم عبقری رسالہ گزشتہ دوسال سے مسلسل پڑھ رہے ہیں۔عبقری ہمارے ہاں دن بدن مقبول ہورہا ہے۔ہم نے عبقری رسالہ سے جو ٹوٹکے آزمائے اور ان کے جوفوائد ملے وہ درج ہیں:۔ زیتون کا تیل اور اسپغول آزمایا‘ اس سے بچوں کے گلے کے ٹانسلز بہتر ہوئے۔ ہم تمام معدے کے مریض تھے ہم نے سبز الائچی‘ پودینہ‘ سونف اور سبز چائے کا قہوہ دن رات ہر موسم میں پیا اور اب بھی پیتے ہیں اس سے معدہ ٹھیک رہتا ہے اور طبیعت فریش اور پرسکون ہوجاتی ہے۔ کاسنی کے بیج اور کلونجی ہم وزن لے کر پیس لیں ‘ یہ بھی معدے کے امراض کیلئے لاجواب ہے۔ یہ چیزیں اب ہمارے کچن کا حصہ بنی ہوئی ہیں۔ اللہ آپ کو آسانیاں عطا فرمائے اور عبقری دن دگنی رات چوگنی ترقی کرے۔ آمین! (یاسمین اختر‘ کوٹلی آزادکشمیر)
