محترم حضرت حکیم صاحب السلام علیکم! میرے پاس آنکھوں کے تمام امراض کیلئے ایک نسخہ ہے۔ھوالشافی: سرمہ سیاہ سادہ دو تولہ‘ سبز الائچی دانہ ایک تولہ‘ تمباکو دیسی کڑوا صافی ایک تولہ۔ ان اجزاکو خوب باریک سرمہ بنالیں۔ ایک تا دو سلائی آنکھوں میں لگائیں‘ بظاہر سلائی کو لگا نظر نہیں آتا‘ وہ بھی کافی ہے۔ آنکھوں کے تمام امراض مثلا! آنکھوں سے پانی بہنا‘ درد‘ بینائی کی کمزوری‘ ابتدائی موتیا بند وغیرہ کیلئے انتہائی مفید و مجرب ہے۔یہ نسخہ حکیم عبداللہ روڑی والےجہانیاں منڈی کی اطباء کے مجربات پر مشتمل سب سے پہلی کتاب سے ماخوذ ہے اور راقم کا آزمودہ ہے۔ (ج۔ش)
