محترم حضرت حکیم صاحب السلام علیکم! میں عبقری رسالہ گزشتہ کئی ماہ سے مسلسل پڑھ رہی ہوں‘ الحمدللہ بہت مفید رسالہ ہے‘ مجھے بچپن سے ہی لکھنے کا شوق ہے‘ ماہنامہ عبقری میں لکھنے سے پہلے بھی میں متعدد اخبار و رسائل میں اپنے تجربات و مشاہدات لکھتی رہی ہوں مگر جب سے عبقری ملا ہے جب بھی قلم اٹھا عبقری کے قارئین کیلئے ہی اٹھا ہے۔
میرے گھٹنوں پر سوجن تھی اور اٹھتے بیٹھتے شدید درد ہوتا تھا۔ جس کی وجہ سے میں بہت زیادہ پریشان تھی‘ ماہنامہ عبقری میں ایک نسخہ پڑھا کہ گھٹنوں کے درد اور سوجن کے لیے کلونجی‘ اجوائن اور میتھی دانہ کو ہموزن لے کر سفوف بنالیں۔ آدھا چمچ چائے والا صبح و شام کھانا ہے۔میں نے یہ نسخہ استعمال کرنا شروع کردیا اور اس کے ساتھ عبقری دواخانہ کا کراماتی تیل منگوا کر اپنی ماسی سے خوب مالش کرواتی۔صرف چند دن یہ نسخہ استعمال کیا اور ساتھ کراماتی تیل کی مالش سے میرے گھٹنوں کی سوجن بالکل اتر گئی اور درد میں نمایاں کمی واقع ہوئی ہے۔ الحمدللہ! (ج۔ ش، راولپنڈی)
