محترم حضرت حکیم صاحب السلام علیکم! میرے پاس ایک آزمودہ حافظہ کا نسخہ ہے۔ اس نسخے کے بہت سے فائدے ہیں۔ یہ نسخہ حافظہ کی کمزوری، کم سنائی دینا‘ بینائی اس کے استعمال سے دائمی نزلہ و زکام ختم ہوتا ہے۔ حافظہ کو تقویت دیتا ہے۔ نگاہ کو تیز کرتا ہے‘ پرانے دردسر کیلئے مفید ہے۔ کھانسی اور ڈسٹ الرجی میں مفید پایا گیا ہے۔ یہ نسخہ ہر موسم اور ہر عمر کے لوگ استعمال کرسکتے ہیں۔نسخہ درج ہے۔ ھوالشافی: کالی مرچ پندرہ گرام‘ سونٹھ تیس گرام‘ مغز اخروٹ پچاس گرام‘ مغز پستہ سو گرام‘ مغز بادام سو گرام‘ مصری تین سوگرام۔ یہ تمام ادویات کوٹ کر سفوف بنائیں اور چھان لیں۔ خوراک: صبح نہار منہ ایک چمچہ (دس گرام) پانی یا دودھ کے ساتھ استعمال کریں۔ (محمد فاروق سیفی‘کوٹ ادو)
