اس کے علاوہ اگر کسی شخص کو پٹھوں کے کھچائو یا چک آجائے تو چاہے وہ کتنی ہی سخت کیوں نہ ہو تو 11دن یا 21 دن صبح و شام جائے نماز پر بیٹھ کر نماز ختم کرکے اول او آخر 3 بار درود پڑھ کر سات دفعہ اذان اور سورۂ مومنون کی آخری چار آیات پڑھ کر دائیں اور بائیں کندھے پر دم کرلیں۔ انشاء اللہ آرام آجائے گا۔
یہ بھی میرا اپنا ذاتی آزمایا ہوا طریقہ ہے۔
جو لوگ جادو ٹونے یا نظر وغیرہ کا شکار ہوں انہیں چاہیے کہ وہ روزانہ اپنے گھر میں سورۃ البقرہ کی تلاوت ترجمہ کے بغیر اپنے ٹیپ ریکارڈ میں لگادیں اور خود بھی روزانہ 11یا 21دن تک دن میں کسی ایک وقت میں اس کی تلاوت کرکے پانی میں دم کرکے مریض کو پلائیں اور کمر کے چاروں کونوں میں اس کے چھینٹے ماریں ہر طرح کا سخت سے سخت جادو ختم ہوگا نظر آسیب اور نحوستوں کا خاتمہ ہوگا۔ (پوشیدہ)۔
دو کاغذ لیں دونوں پر محمد مصطفی ﷺ اور احمد مرتضیٰ ﷺ لکھیں رات کو سونے سے پہلے آنکھوں پر رکھ لیں اگر حاجت کیلئے جانا ہو تو اس کو اتاردیں اور فارغ ہوکر پھر رکھ لیں رات کو باوضو ہوکر سوئیں (حاجت کے بعد دوبارہ وضو کرنا ہوگا) انشاء اللہ 11 دنوں میں عینک بھی اتر جائے گی اورآنکھوں کی کوئی بیماری بھی نہیں رہے گی۔
رانا ثاقب عزیز،جہانیاں)۔)
آنکھیں اور ان کی بینائی ایک نعمت عظمیٰ ہیں جس کا بدل کوئی چیز نہیں ہوسکتی۔ بہت سی بے احتیاطوں کے باعث بینائی میں فرق آجاتا ہے یا بصارت جاتی رہتی ہے اور اس کا کوئی علاج رگر نہیں ہوسکتا اگر حفظ صحت کے قوائد کی پابندی کی جائے تو آنکھیں اکثر صدموں سے محفوظ رہ سکتی ہیں۔