محترم حکیم صاحب السلام علیکم!گزشتہ چند ماہ سے عبقری کی باقاعدہ آن لائن قاریہ ہوں الحمدللہ! بہت بہت استفادہ حاصل کیا۔ میں ایک ٹیچر ہوں ایک روز ڈیوٹی پر جاتے ہوئے مجھے بہت نیند آرہی تھی نہ چاہتے ہوئے بھی تیار ہوکر گھر سے نکل چکی تھی لیکن آنکھیں نیند کی شدت سے بوجھل ہورہی تھیں یونہی اپنے شوہر صاحب سےکہا ’’ آج آپ جاکر میری جگہ پڑھادیں، میں گھر واپس سونے جارہی ہوں‘‘ تو جواباً جو سنہری الفاظ انہوںنے ادا کئے وہ یہ تھے ’’اَللّٰھُمَّ اِنِّیْ اَسْئَلُکَ فَضْلِکَ ‘‘ میں نے فوراً یہ دعا دہرائی اور دو تین بار مزید پڑھا۔ گاڑی میں بیٹھنے سے پہلے پہلے اللہ کے فضل سے میری نیند رفوچکر ہوچکی تھی‘ اللہ میرے شوہر سے راضی ہوجائے۔ آمین!
